وعليكم السلام ورحمة الله وبركاتة
اولا اشكركم جميعا وبارك الله فيكم جميعا
انا بس عايز اقول حاجة وحدة لان واضح ان الموضوع مش معقد بس لاء دة معقد جدا جدا جدا والاحديث المذكورة جميعا فيها معنى الجبر واضح وهو ان اذا كان كل فرد منا من قبل ما يتولد تم تحديد مكانة فى الجنة او النار الجملة دى كفاية لتعطى لنا مفهوم الجبر فين اختيارى انا على اى ذنب هتحسب اذا كانت انا لا املك ارادة فعالية انا املك عقل وفكر وادارة دة حقيقى بس كل ما املكة محتومة نتائجة اى محددة ياعنى انا مليش اختيار فيها وانا زى ما قولت فى المثال السابق بتاع التلميذ والامتحان اذا كانت انا محدد من فيهم هينجح ومين فيهم هيفشل لزمتها اية انى اعمل الامتحان ما انا عارف النتيجة واى كان رد فعل التلميذ هيوصلو للنتيجة اللى انا حددتها والحديث عن الرسول صلى الله علية وسلم اللى قولتة فى اول الموضوع انا فهمتو بهذا الشكل ان كل واحد لة كتاب حتى وان عمل بعمل اهل الجنة ولكن مكتوب فى كتابة ان يدخل النار يغلب علية ويدخل النار فأين الاختيار هنا ؟
انا عايز اللى يرد علية يعطى لى الاجابة مش بصورة اللهجة العربية الفصحى لانى اريد حقيقة فعالية مش عايز ادخل فى مفهيم احنا صنعنها وقولنا جبر واختيار وحتمية وسببية لاء عايز كلام واضح والاهم ان صاحب الرد يكون مقتنع بالرد اللى بيقولة وانا برضو عندى عقل وقدرت اوصل الى نتيجة ياعنى اخر حاجة وصلت ليها ومش عارف اذا كانت صح ولا غلط لكن فى النهاية النتجية ابعدتنى عن الشكوك واحديث الشيطان المهم اية هى النتيجة هى ان مش عارف اقولها ازى اخشى ان اقول على الله ما لا اعلم واستغفرك ربى ولكن لا عيب فى التوضيح كانت سألت صديق لى عن الموضوع دة وقال جملة كدا ياعنى يمكن تكون مفيدة قال لو انت ملك وعندك مال وسلطان والى اخرة تعمل اية علشان تحس بالعظمة اكيد هتجيب خدمين بقى والى اخرة فا انا فهمت من الكلام دة ان ربنا خلقنا للعبادة بأى كانت اخرتها سوء جنة او نار دى احنا ملناش يد فيها بس ربنا قال وَمَا رَبُّكَ بِظَلَّامٍ لِّلْعَبِيدِ(46) سورة فصلت
فا علشان كدا انا بحاول اشوف حل لانى مش عارف ازى ربنا مش بيظلمنا وانا لو دخلت النار انا مخترتش افعالى دى حاجات مكتوبة انا مليش دعوة بيها ياعنى واضح انى فى حاجة انا مش فهمها هنا بس اية معرفش ولكن برضو بشوف الاية دى استغرب
قال تعالى في سورة النساء[ما يفعل الله بعذابكم إن شكرتم وأمنتم وكان الله شاكرا عليما[147]] بصراحة انا عقلى مش قادر يجب تفسير لكل دة لو اى احد منكم عندة رد فى اطار تفيسر الصور والاحديث اللى ذكرتها يارت لو ميبخلش علينا لانى تعبت لكن فى النهاية علشان اريح عقلى ماهما كانت الردود والنتيجة فالله الامر من قبل ومن بعد واشهد ان لا اله الا الله واشهد ان محمد رسول الله بس مش عيب انى احاول افهم وانا اسف على الاطالة واسف على تعبكم معى بس اعتقد ان الموضوع يستهل تفكرنا وتعبنا وبالتوفيق للجميع