?سلفي | يا مصر لازم تعرفي إن السلفي مالوش في الهدّ ... السلفي منى عينه يشوفك أحلى البلاد في الغد #SALAFI #Egypt #25Jun
يا مصر لازم تعرفي إن السلفي مالوش في الهدّ
السلفي منى عينه يشوفك أحلى البلاد في الغد
أهدّ إزاي ؟ يا خلق يا هوه ، ماليش في الهدّ !
وحتى الحدود ، الحاكم هوه اللي يملك يقيم الحد
أنكر بقلبي المنكر ، ولساني أنصح بيه ، والحاكم عليه باليد
أرفض ضريح يكون مسجد وماملكش قرار الهدّ
أهدّ إزاي وكل نصوصي بتؤمرني أكون باني
كتابي وسنتي وسلفي عثيمين وألباني
أهدّ إزاي ؟ هوه أنا مجنون ؟
دا أنا ديني عمار للكون
بيؤمرني أدبح الحيوان بسكين مسنون
قطع الشجرة ممنوع بدون حاجة
وليا ثواب فؤ أؤ نفس محتاجة
دينؤ بيربط الطاعة بالقدرة
ويجلب التيسير مع الحاجة
لو لحظة قيام الساعة ف إيدى فسيلة ، أغرسها
وما تقولش ليه مادامت مش هتنفع حد
أهدّ إزاي وديني بيؤمرني أكون بنّا
وخلى محاسن الأخلاق شرط للجنة
ديني بيدّي على البسمة يا ناس حسنات
وتاخد حسنة عشان بس للخير بتتمني
هدّ دا إيه كفى الله الشر
أنا يا بلادى ماليش في الشر
وفي إيديا تطولي البر
ولا تتوهي في جزر ومد
بإذن الله أنا عندي يا مصر الحل
وبكرة معايا جميل تحفة مالوش حلّ
مافيهوش واحد بيتهان ولا مصري بيتذلّ
ماليش في الهدّ والتدمير
وبحلملك وحلمي كبير
وشايفك بكرة شيء تاني
أنا جاهز وناوي بجدّ
كتبها / خالد الشافعي?
Wall Photos
10-02-2011, 06:22 AM
سلفي | يا مصر لازم تعرفي إن السلفي مالوش في الهدّ ... السلفي منى عينه يشوفك أحلى...
المواضيع المتشابهه
العرض العادي
