أنا سلفي وما بعضش ولا بضرب وعمرى ما طلعت فى كوابيس لحد وخوفته

[ابو تسنيم]

بسم الله الرحمن الرحيم
كيف حالكم اخوتي الافاضل
أسأل الله ان تكون في خير حال ونعمه وصحه وعافيه وتقوي

(( أنا سلفي وما بعضش ولا بضرب وعمرى ما طلعت فى كوابيس لحد وخوفته :))

والله بجد يا جماعة .. أصلى سمعت إن السلفيين نازلين بيضربوا الستات فى الشوارع وبيقيموا الحدود واللى بيشوفوه بيقطعوله ودنه :)

وشايلين ازايز مية نار -اللى عمرى ما شفتها فى حياتي - وبيتجمعوا بالآلاف فى كل مكان يضربوا اللى مش عاجبهم

وكل ده بيحصل وأنا سلفي ومعرفش حاجة عن الكلام ده !!
وعمرى ما شفت حد من صحابي السلفيين نزل فى الشارع وشارك فى مهرجانات الضرب وتقطيع الودان وحرق البيوت وحدف الطوب !!

ده ناقص يقول: إن السلفيين هما اللى عملوا تسونامي اليابان وخرجوا مصر من بطولة أفريقيا :))

يا جماعة .. احنا كسلفيين مسلمين والله مش عصابات إجرامية وتنظيمات إرهابية..

وأهم حاجة عندنا رضا ربنا سبحانه وتعالى

عمرنا ما بنعامل حد غير بأخلاق الإسلام اللى هى التعامل بالحسنى
وعمرنا ما بنضرب حد لو لقيناه بيعمل معصية لإن الله عز وجل يقول: (ادع إلى سبيل ربك بالحكمة والموعظة الحسنة)
وعلى طول نستصحب قول النبي صلى الله عليه وسلم: (لا يكون الرفق فى شئ إلا زانه ولا ينزع الرفق من شئ إلا شانه)، وقوله صلى الله عليه وسلم: (إن الله رفيق يحب الرفق فى الأمر كله)

وعشان كده أنا لما أشوف أى واحد لازم أتبسم فى وشه عملا بقول النبي صلى الله عليه وسلم: (تبسمك فى وجه أخيك صدقة)

ولما أشوف حد بيعمل حاجة غلط بنصحه باللين وبالحسنى لإنه أخي فى الدين وله مكانة من الحب فى قلبي

بلاش يا جماعة ننساق ورا شائعات مالهاش أصل .. لإن اللى بيطلع الشائعات ديه بيبقى هدفه يخوف الناس أولا ويزيل الاطمئنان من قلوبهم .. وبيبقى هدفه ثانيا تشويه صورة الملتزمين عشان يصد الناس عنهم

منقول بدون زياده او نقص او حتي تخريج للاحاديث ولكنها بفضل الله كلها صحيحه

[microtop]

والله الناس ما هيا عارفه تقول ايه ولا ايه
لكن والله السلفيين هم احسن ناس قابلتهم فى حياتى
وحسيت انهم خايفين على دينهم بجد
ربنا يبارك فيك يا ابو تسنيم
ويجازيك كل خير
ويحمى مصر من شر الفتن ما ظهر منها وما بطن

[المشتاقة للجنة]

و عليكم السلام ورحمة الله وبركاته

في نعمة من الله الحمد لله

جزاكم الرحمن خيرا هذا كله فقط للاساءة لاهل الدين و خوفهم المستمر من الزيادة من عدد التائبين الذين عرفوا الحق فاتبعوه
وتركوا ما كانو فيه من الباطل يخوفون الناس من السلفيين ويصفونهم بما جاءوا به من الاكاذيب
حسبنا الله ونعم الوكيل
يمكرون ويمكر الله والله خير الماكرين

[ابو تسنيم]

السلام عليكم ورحمة الله وبركاته

اخي الحبيب الفاضل ميكرتوب

جزاك الله خيراً ونفع الله بك ولا تنسي حبيبي في الله ان المسلمين سلفيين

اختي الفاضله المشتاقه للجنه

اضافتك ماتعه وواقع نعيشه وللاسف هذا حال السواد الاعظم

اللهم اهدي المسلمين بان يحكموا بشرعك
اللهم آمين