S.N.N
11-02-2011, 11:16 PM
?سلفي\ابوالسعودرئيس مجلس اداره = #salafi
..............................................
فى يوم من الايام اختارونى الناس فى الحته انى اكون مسؤل عن المسجد انا وكام واحد من الحى واختارونى انا ان اكون رئيس مجاس الاداره وواحد تانى امين الصندوق وواحد تالت عضو
انا بقى بقيت فرحان فى نفسى من سواق ميكروباص لرئيس مجلس اداره مره واحده فعشت فى الدور ولبست جلباب ابى ههههههه
وبقيت اتخيل نفسى بقى وانا رئيس واتنفخت ع الاخر من المنصب اصل المناصب بتنفخ التعبانين اللى زيى ههههههه
وكل لما تحصل مشكله فى المسجد ينتظروا الرئيس يحلها اللى هو انا
بالظبط كده زى ما بتقرءوا فى الجرايد يطلع الوزير من دول ويقول بناء على توجيهات الرئيس يعنى الوزير ميعرفش يعمل حاجه كده من نفسه لازم يتوجه من الرئيس اللى هو انا برضوا
واصبح اسمى الرئيس ولغوا اسم ابو السعود كل لما ادخل المسجد يقولوا اهو الرئيس جه والناس رموا الحمل كله عليا واصبحوا ميعرفوش يعملوا حاجه الا بتوجيهاتى
وفى يوم من الايام جاءنى طفل صغير وانا فى البيت ياعم ابو السعود ياعم ابوالسعود فى واحد عايزك ومنتظرك امام الجامع خرجت بسرعه اشوف مين اللى عايزنى وجدت رجل شكله محترم ولابس بدله صيفى وعلى رأسه طاقيه بيضاء شبيكه وفى يده ظرف اصفر كبير من بتوع الحكومه كانت الساعه حوالى عشره الصبح سلمت عليه وقلت له خير فيه ايه قال لى انت المسؤل عن المسجد اتجعظت للخلف كده وقلت نعم انا المسؤل
اصل كلمة مسؤل فى بلدنا غير المسؤل فى مكان اخر عندنا المسؤل يعنى صاحب نفوذ وسلطه واذا ضرب واحد بالشلوت المضروب بيفرح ويقول له شلوتك دفعنى للامام يافندم هههههههههه المهم قال لى انا من وزارة الاوقاف
ومسؤل عن تجديد المساجد وفرشها فرحت اوى وقلت له طيب اتفضل وفتحت المسجد وطلع من جيبه متر وقعد يقيس مساحة المسجد ويكتب فى الورق اللى معاه المقاسات وبعدين قال لى انتم محتاجين فرش غير ده قلت له لا الفرش جديد وكويس قال لى لا يااخى لازم يتغير وكمان الميكروفون ومحتاجين سقف للدور التانى انا شفته من بره انه عمدان قلت له اللى حضرتك شايف اعمله المهم قال لى انت هتيجى معايا دلوقتى للاداره على شان تستلم الاشياء دى وتمضى عليها قلت موافق قال لى بس اعمل حسابك فى 500 جنيه على شان الشاى للعمال اللى هيحملوا الحاجه (بقشيش)
قلت له طيب انتظر لما انادى على امين الصندوق لانه معه الفلوس ورحت ناديت الامين وعرفته فرح هو الاخر المسجد هيتجدد وقلت له هات 500 جنيه معاك وتعالى معى على شان تمضى معايا على البضاعه
خدنا تاكسى وركنا ع العباسيه وامام عمارات الخبراء بتاعت وزارة العدل عند فندق مصر للسياحه وقفنا واخرج الاستاذ المحترم شيك من الظرف الاصفر اللى معاه وكتب مبلغ 20 الف جنيه ثم اراد ان يفرقنا عن بعض انا وامين الصندوق فقال واحد منكم يروح يصور الشيك بسرعه فراح الامين جرى علشان يصوره وبقيت انا وهو فقال لى هات ال500 جنيه واستنانى هنا وانا هطله وابص لك من الشباك اللى فوق ده تيجى بسرعه قلت له بس الفلوس مش معايا مع الامين صندوق ابوالسعودرئيس مجلس اداره فعرف انه مش هياخد معانا حق ولا باطل قال لى طيب انتظرنى هنا لحد لما ييجى وانا هطلع علشان اخلص الاجراءات وطلع وانا عينى على الشباك ( وبقيت اغنى على الشباك وانا واقف على الشباك ) هههههههه
المهم جه امين الصندوق والشيك المتصور وقال فين الرجل قلت له بيخلص الاجراءات فوق وهيبص من الشباك بعد مايخلص بعد ما تعبنا من الوقفه قلنا نطلع نسأل الموظفين ضحكوا علينا وقالوا مفيش حاجه زى دى هنا نزلت انا وامين الصندوق قفانا يأمر عيش
فقلت للامين بقول لك ايه طيب متيجى نروح البنك فى مصر الجديده ونسأل ع الشيك يمكن خدنا تاكسى على مصر الجديده ودخلنا البنك اول مطلعنا الشيك للموظف ضحك وقال هو وصل لكم فقلت له هو ايه اللى وصل لنا قال النصاب ياعم الحاج الشيك ده من مكتبى يعنى يااستاذ قال لى بله واشرب ميته دى من عندى
نظرت لامين الصندوق ونظر لى وضحكنا
الحمد لله الخطه فشلت بتاعت النصاب ولكن قلت للامين انت لاتنفع ان تكون امين ولا انا اصلح اكون رئيس حكاية امين صندوق ورئيس دى لها ناسها ورجعت تانى سواق ميكروباص لانى مش قد المسؤليه ياريت كل مسؤل من اللى مودينا فى داهيه يعملوا مثلى ويتنازلوا عن المسؤليات اللى هما مش قدها
وبعد يومين جاءنا رئيس مجلس اداره من مسجد اخر وقال لنا خدوا بالكم انا اتنصب عليا فى 500 جنيه جاءنى رجل من الاوقاف ولسه هيحكى الحكايه قلت له انا احكيها بدلك قال لى هو انتم اتنصب عليكم زيى .. قلت له لا ربنا ستر?
http://photos-f.ak.fbcdn.net/hphotos-ak-snc7/390515_295602440463512_208614759162281_1143102_585 268043_s.jpg (http://www.facebook.com/photo.php?fbid=295602440463512&set=a.208634749160282.54543.208614759162281&type=1)
Wall Photos (http://www.facebook.com/media/set/?set=a.208634749160282.54543.208614759162281&type=1)
..............................................
فى يوم من الايام اختارونى الناس فى الحته انى اكون مسؤل عن المسجد انا وكام واحد من الحى واختارونى انا ان اكون رئيس مجاس الاداره وواحد تانى امين الصندوق وواحد تالت عضو
انا بقى بقيت فرحان فى نفسى من سواق ميكروباص لرئيس مجلس اداره مره واحده فعشت فى الدور ولبست جلباب ابى ههههههه
وبقيت اتخيل نفسى بقى وانا رئيس واتنفخت ع الاخر من المنصب اصل المناصب بتنفخ التعبانين اللى زيى ههههههه
وكل لما تحصل مشكله فى المسجد ينتظروا الرئيس يحلها اللى هو انا
بالظبط كده زى ما بتقرءوا فى الجرايد يطلع الوزير من دول ويقول بناء على توجيهات الرئيس يعنى الوزير ميعرفش يعمل حاجه كده من نفسه لازم يتوجه من الرئيس اللى هو انا برضوا
واصبح اسمى الرئيس ولغوا اسم ابو السعود كل لما ادخل المسجد يقولوا اهو الرئيس جه والناس رموا الحمل كله عليا واصبحوا ميعرفوش يعملوا حاجه الا بتوجيهاتى
وفى يوم من الايام جاءنى طفل صغير وانا فى البيت ياعم ابو السعود ياعم ابوالسعود فى واحد عايزك ومنتظرك امام الجامع خرجت بسرعه اشوف مين اللى عايزنى وجدت رجل شكله محترم ولابس بدله صيفى وعلى رأسه طاقيه بيضاء شبيكه وفى يده ظرف اصفر كبير من بتوع الحكومه كانت الساعه حوالى عشره الصبح سلمت عليه وقلت له خير فيه ايه قال لى انت المسؤل عن المسجد اتجعظت للخلف كده وقلت نعم انا المسؤل
اصل كلمة مسؤل فى بلدنا غير المسؤل فى مكان اخر عندنا المسؤل يعنى صاحب نفوذ وسلطه واذا ضرب واحد بالشلوت المضروب بيفرح ويقول له شلوتك دفعنى للامام يافندم هههههههههه المهم قال لى انا من وزارة الاوقاف
ومسؤل عن تجديد المساجد وفرشها فرحت اوى وقلت له طيب اتفضل وفتحت المسجد وطلع من جيبه متر وقعد يقيس مساحة المسجد ويكتب فى الورق اللى معاه المقاسات وبعدين قال لى انتم محتاجين فرش غير ده قلت له لا الفرش جديد وكويس قال لى لا يااخى لازم يتغير وكمان الميكروفون ومحتاجين سقف للدور التانى انا شفته من بره انه عمدان قلت له اللى حضرتك شايف اعمله المهم قال لى انت هتيجى معايا دلوقتى للاداره على شان تستلم الاشياء دى وتمضى عليها قلت موافق قال لى بس اعمل حسابك فى 500 جنيه على شان الشاى للعمال اللى هيحملوا الحاجه (بقشيش)
قلت له طيب انتظر لما انادى على امين الصندوق لانه معه الفلوس ورحت ناديت الامين وعرفته فرح هو الاخر المسجد هيتجدد وقلت له هات 500 جنيه معاك وتعالى معى على شان تمضى معايا على البضاعه
خدنا تاكسى وركنا ع العباسيه وامام عمارات الخبراء بتاعت وزارة العدل عند فندق مصر للسياحه وقفنا واخرج الاستاذ المحترم شيك من الظرف الاصفر اللى معاه وكتب مبلغ 20 الف جنيه ثم اراد ان يفرقنا عن بعض انا وامين الصندوق فقال واحد منكم يروح يصور الشيك بسرعه فراح الامين جرى علشان يصوره وبقيت انا وهو فقال لى هات ال500 جنيه واستنانى هنا وانا هطله وابص لك من الشباك اللى فوق ده تيجى بسرعه قلت له بس الفلوس مش معايا مع الامين صندوق ابوالسعودرئيس مجلس اداره فعرف انه مش هياخد معانا حق ولا باطل قال لى طيب انتظرنى هنا لحد لما ييجى وانا هطلع علشان اخلص الاجراءات وطلع وانا عينى على الشباك ( وبقيت اغنى على الشباك وانا واقف على الشباك ) هههههههه
المهم جه امين الصندوق والشيك المتصور وقال فين الرجل قلت له بيخلص الاجراءات فوق وهيبص من الشباك بعد مايخلص بعد ما تعبنا من الوقفه قلنا نطلع نسأل الموظفين ضحكوا علينا وقالوا مفيش حاجه زى دى هنا نزلت انا وامين الصندوق قفانا يأمر عيش
فقلت للامين بقول لك ايه طيب متيجى نروح البنك فى مصر الجديده ونسأل ع الشيك يمكن خدنا تاكسى على مصر الجديده ودخلنا البنك اول مطلعنا الشيك للموظف ضحك وقال هو وصل لكم فقلت له هو ايه اللى وصل لنا قال النصاب ياعم الحاج الشيك ده من مكتبى يعنى يااستاذ قال لى بله واشرب ميته دى من عندى
نظرت لامين الصندوق ونظر لى وضحكنا
الحمد لله الخطه فشلت بتاعت النصاب ولكن قلت للامين انت لاتنفع ان تكون امين ولا انا اصلح اكون رئيس حكاية امين صندوق ورئيس دى لها ناسها ورجعت تانى سواق ميكروباص لانى مش قد المسؤليه ياريت كل مسؤل من اللى مودينا فى داهيه يعملوا مثلى ويتنازلوا عن المسؤليات اللى هما مش قدها
وبعد يومين جاءنا رئيس مجلس اداره من مسجد اخر وقال لنا خدوا بالكم انا اتنصب عليا فى 500 جنيه جاءنى رجل من الاوقاف ولسه هيحكى الحكايه قلت له انا احكيها بدلك قال لى هو انتم اتنصب عليكم زيى .. قلت له لا ربنا ستر?
http://photos-f.ak.fbcdn.net/hphotos-ak-snc7/390515_295602440463512_208614759162281_1143102_585 268043_s.jpg (http://www.facebook.com/photo.php?fbid=295602440463512&set=a.208634749160282.54543.208614759162281&type=1)
Wall Photos (http://www.facebook.com/media/set/?set=a.208634749160282.54543.208614759162281&type=1)