اللي شاغل بالك

[مسلم]

لو نسأل كل واحد مننا ايه اهتماماتك ممكن واحد اهم حاجه عنده مظهره او سيرته او اغاني او كورة او يلعب بلاي ستيشن او شغله او زوجته واأولاده أو شهواته كل تفكيره ازاي يرضي نفسه.
البنت كمان فيه بنت المهم تكون اجمل واحده في صحباتها او الناس تبصلها او تلبس غير كل الناس تلاقي البنت ماشيه بالمكياج حتى اسف الورنيش بتاع جزمتها
او كل همها ترضي صاحبها"فاكراه بيحبها" ممكن تعمل اي حاجه المهم ترضي نفسها ولو كان على حساب غضب ربنا
لكن مين همه كله ازاي ارضي ربنا.
تفتكري اختي ان اللي حسسك انه بيحبك وبيخاف عليكي اكتر من نفسه بيحبك فعلاً طيب تفتكري يرضى ده لأخته؟
طيب اللي بيحصل ده يرضي ربنا؟
طيب ضامنه انه هيتجوزك ولو افترضنا انه فعلا عايز يتزوجك اذا مات قبل الجواز او حصلت حاجه منعت الزواج ياترى ايه اللي هيعود عليكي غير سوء السمعة او حياتك تتحطم وتعيشي في حزن
اختي... ربنا خلقك غاليه امرك بالحجاب علشان يحافظ عليكي مش علشان يداري جمالك. تفتكري الجمال في الشكل؟ مش ممكن الشكل يروح ؟ مش ممكن ربنا يبتليكي بمرض يخليكي تلبسي النقاب غصب عنك . . . طيب ترضي تموتي على أي حال انت وخارجه ومكياج وحجاب اوربي ولا انت ولابسه اللي امرك بيه ربنا؟
تحبي تموتي وانت مع الولد سواء كان زميل بتقولي بحبه وهنتجوز لو موتي وانت معاه هتقولي لربنا ايه ؟ ربنا يحفظكم
لو مره كده بنت خارجه مع ولد خبطتها عربية او ماتت بسبب تاني.. ممكن الولد يستنى معاها لو اهل البنات يعني رجاله طيب لما تدخل القبر هيدخل معاها القبر
مش كان قبل ماتموت بيقولها انت عمري وبموت فيكي كل كلام
ليه اخلي نفسي رخيصه اللي عايز يكلمني يكلمني واللي عايز يشوفني مفيش مشكلة تحت مسميات احنا اللي اخترعناها
طبيعي بداية التعارف تبقى تحت مسمى اخر مش معقوله في أول كلمة هيقولك انا بحبك او الشيطان مش غبي هو بيستدرج يبدأ بكلام في الدين دراسة شغل مع الوقت يتغير الكلام
وكل واحد يشوف التاني الشخص اللي كان بيحلم بيه حب أعمى للأسف بيتحول لعبودية. القلب مثل الإناء لا يتسع إلا لحاجة واحدة إما الله وما يحبه الله أو غير ذلك

في وهم الحب كل شخص بيرسم شخصية
بينتقي كلامه يهتم بظهره كل كلمة بحساب
ونفس الشخص مع اهله حاجه تانيه ومع اصحابه مختلف وبعد الجواز هيظهر على حقيقته

تفتكري اختي الحب بيجي من ايه
مش من العشرة والمعاملة وده بيحصل بعد الجواز مش قبل الجواز
قبل الجواز ممكن يتصنع كل أفعاله قيل الجواز

تفتكري فعلا بيخاف عليكي.. ياترى خاف علليكي من غضب الله وجودك معاه في ميزان حسناتك ولا سيئاتك

ربنا يحفظك اختي

وانت كمان ترضى اختك تكلم ولد .. لا طبعاولو قال غير كده تبقى مصيبة ليه البنت تقبل ده على نفسها
اذا انا مش اكتفيت بحب ربنا ليا عمري ماهكون سعيد ولا هلاقي الحب الحقيقي بعيد عن ربنا
اللي بيقول انه بيحبك
هو قال كده عشان شكلك ولا مالك ولا اخلاقك مهما كان فهو لسبب
طيب تفكري ربنا بيحبك علشانك ولا لسبب؟
الشخص ده هينفعك لما تموتي هيتحاسب مكانك؟
اما ربنا فهو الباقي لك
الشخص ده لو غلطتي في حقه مش ممكن ينسالك كل حاجه حلوه
ربنا مهما عملتي بيسامح وبيبدلك سيئاتك حسنات
مين اللي بيديكى من غير مقابل وهو في غنى عنك
تفتكروا كده الولد لو لقى بنت اجمل منك واخلاق عنك ومال هيفضل معاكي؟
والبنت كمان لو لقت ولد افضل في كل شيىء اكيد هتعيد تفكيرها
نختم
يقول الله تعالى في حديثه القدسي " من عادى لي ولياً فقد آذنته بحرب مني، وما تقرب لي عبدي بشيء أحب إلي مما افترضته عليه، ومازال عبدي يتقرب إلي بالنوافل حتى أحبه فإذا أحببته كنت سمعه الذي يسمع به وبصره الذي يبصر به ويده التي يبطش بها وقدمه التي يمشي بها وإذا سألني لأعطينه وإذا استغفرني لأغفرن له وإذا استعاذني أعذته. " وقد روى الحديث الإمام البخاري وأحمد بن حنبل والبيهقي..فتح الباري 11.34041 حديث رقم 6502 ..


درس مجرد علاقة بريئة

سامحوني إذا كنت أخطأت
بارك الله فيكم وجزاكم الله عنا كل خير

[khaledbelal]

فعلا والله نحتاج كثيرا لهذه الكلمات هذه الايام

نسال الله العافية

جزاك الله خيرا اخي الكريم ونفع بك

[المشتاقة للجنة]

السلام عليكم ورحمة الله وبركاته
جزاكم الرحمن خير الجزاء على هذا الموضوع القيم والمهم ارجو ان ينتفع به وتعلم الاخت ان رضا ربها اولى لها من ارضاء نفسها بمحرمات

ودرس مجرد علاقة بريئة درس رائع استفدت منه انا شخصيا
في ميزان حسناتكم ونسال الرحمن ان يجعل همنا كله في هذه الدنيا رضاه
ادعوا لي بالرضا والصبر اخوتي