 |
|
#1
04-15-2011, 11:13 PM
|
||||
|
||||
مش عارف ليه؟
السلام عليكم ورحمة الله وبركاته جوايا شويه اسئله نفسى الاقيلها اجابه تانيه غير اللى فى دماغى واللى هاقولهالكم آخر الموضوع علشان لو اجابتى غلط تقولوى الصح ايه ماشى ؟ ليه البنت لما والدها او ووالدتها يطلبوا منها مثلا متلبسش لبس معين وهى بردو تفضل مصرة انها تلبسه بس لما ييجى البوى فريند بتاعها يقولها لأ مش عايز اشوفك بالطقم ده تانى تقوله سمعا وطاعه وفعلا متلبسش الظقم ده تانى ؟ ده مثال بسيط اووى ولسه الباقى بس انا ضربته فى الاول علشان احدد هل هى بتحب الولد اكتر من والدها ووالدتها ؟ ولا الموضوع ليه مقياس تانى ؟ ليه لما ربنا يقولك قوم دلوقتى صلى متقومش بس لو اصحابك قالوللك يلا البس حالا وتعالى نازلين بتقوم فاطط من المكان اللى انت فيه ونازل هوا ؟ ليه لما ربنا يقولك بلاش نمص مش بتسمعى الكلام ؟ مع اان الامر لما يجيلك من صاحبك بتقولى حاضر ومش بتتنمصى ابدا احسن يزعل انك مسمعتيش كلامه ؟ الامثله واضحه بس اجابتى انا عليها ممكن تزعل بس بجد انا عايزاكم تشاركونى التفكير لان اجابتى هى ان حبنا لربنا مش زى حبنا للاشخاص اللى بنسمع كلامهم لو بتحب ربنا هاتسمع كلامه لما يقولك اللى يحافظ عليك سبحان الله بيقولك انا بحافظ عليك يعنى لما يقوللك غض بصرك بحافظ عليك انت لما يقولك التزمى بالحجاب الشرعى بيحافظ عليكِ انتِ لما يقولك مترخصيش نفسك بحب حرام بيحافظ عليكِ انتِ انا مش بتكلم من فراغ انا بتكللم من مواقف فعليه انا قابلتها وحزنت جدا ليها مرة كنت مع واحده قريبتى فى المصيف وكانت متعودة انها بتنزل الميه بالمايوه (الشرعى) الشرعى المهم بتنزل الميه كل سنه ومفيش مشكله بس السنه دى لأ ليه ؟ لان صاحبها قاللها اياك اياك تنزلى ومع انه مش شايفها لان فى القاهرة واحنا فى اسكندريه بس كانت محافظه اووى انها تسمع كلامه مع ان من فترة مثلا قبل ما ترتبط لو كان حد مننا قالها بلاش تنزلى الميه ممكن تستنى مثلا مكان مغلق او يوم للنساء او مكان مضمون تنزلى فيه بس بلاش دلوقتى كان زمان الدنيا قامت ومقعدتش وكانت هاتنزل يعنى هاتنزل تعالوا نبص للموضوع من نظرة تانيه دلوقتى الصح واللى يرضى ربنا فى الموقف ده ان فعلا البنت متنزلش الميه امام رجال اجانب يعنى المفروض ان قريبتى تكون اخدت ثواب انها سمعت الكلام بس لاسف هى ضيعت من نفسها ثواب كبير اووى لانها فى الاصل سمعت كلام شخص ومسمعتش كلام ربنا يعنى بمعنى اصح دخلت فى شرك اصغر وهو انك تحب حد زى حبك ربنا وياريت زى ربنا وبس لأ كمان والعياذ بالله ده حب الشخص ده فوق حب ربنا لانها بتسمع كلامه وربنا لأ طيب ليه ؟ ليه نتعامل كده مع ربنا ؟ هو ده شكرنا للنعم اللى ليل نهار نازله علينا ؟ هو ده تعاملنا مع ربنا اللى ساترنا مع كثرة معاصينا وذنوبنا ؟ اللى لو اهلنا مثلا عرفوا بيها عمرهم ما كانوا يقبلوها ابدا ليه ازعل ربنا منى علشان شخص ولا اغنيه ولا لبس ؟ سبحان الله قلب من احب فى يد من اعصى يعنى انت او انتى بترضى واحد علشان ميزعلش مع ان قلبه اصلا مش فى ايده انتى ممكن تعملى اللى متعملش و فى الاخر ميعجبوش ويسيبك لان قلبه مش فى ايده قلبه فى ايد اللى انتى عصيتيه علشان سبحان الله طيب لما تيجى تسال انت بتحب ربنا يقولك طبعا وهو ابعد ما يكون عن الحب لان انت لو بتحبه هاتطيعه وتخاف على زعله وتتحاشى غضبه مش هاتتتعمد انك متسمعش الكلام وبعد ده كله عرفتوا اجابه تانيه للسؤال غير اننا بنوهم نفسنا بحب ربنا واحنا اصلا مدقناش ولا قربنا ولا عرفنا معنى الحب ده ؟ اه فى اجابه تانيه ان كلنا بنحب ربنا بالفطرة ازاى منحبوش وهو الحنين اووى علينا ازاى منحبوش وهو اللى خلقكل الكون لينا ولخدمتنا ازاى منحبوش وهو اللى بيتودد لينا كل يوم ويقول هل من سائل فأعطيه هاتقولى وبعدين بأه انتى هتلخبطينا ليه شويه بنحبه وشويه لأ هاقولك ثوانى احنا بنحب ربنا بس مش عارفين نوظف الحب ده مغمضين عنينا وماشين ورا الدنيا مع انها زائله الموضوع محتاج وقفه من كل واحد يرتب فيها اولوياته ويشوف هايحط رضا ربنا عليه فين ولو رتب صح هايعيش صح منقول
|
|
#2
04-16-2011, 04:07 AM
|
||||
|
||||
|
الموضوع ما شاء الله ممتاز و هادف ويعالج مشاكل واقعية كم كنت اتمنى أن يكون باللغة العربية الفصحة وليس بالعامية لكان أقوى بكثير جزاكم الله خيراً وجعله في ميزان حسناتكم
|
|
#3
04-16-2011, 04:29 PM
|
|||
|
|||
|
جزاك الله خير الجزاء على الموضوع الجميل والله موضوع من العيار التقيل وأرجو قد عرفتني
|
|
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مش عارف أغض بصري ايه الحل | ابو تسنيم | الروضة الاسلامية العامة | 3 | 03-22-2011 09:44 PM |
 |
العرض العادي
