سلفي | حسام عبدالجواد يكتب : فاكرين إعلانات (فليت) بتاعة زمان ؟!كانوا بيقولوا... - منتدى رياض الجنة - Riad Al-Ganah

S.N.N · #1 09-26-2011, 07:13 PM

?سلفي | حسام عبدالجواد يكتب :
فاكرين إعلانات (فليت) بتاعة زمان ؟!
كانوا بيقولوا عليه: (فليت العسكري) ..
عشان يبينلك إنه عنده قدرة عالية على التطهير وقوة وسرعة في الأداء وحسم ..

مش عارف ليه "المجلس العسكري" ما شفناش منه السرعة والحسم دول ؟!

يعني محاكمة مبارك قعدت سنة لحد ما اتحدد معادها ..
الانتخابات قال لك في سبتمبر وآدي فاضل لنا 5 أيام والشهر يخلص وما شفناش انتخابات ..
قانون الطوارئ .. قال لك حيخلص بعد 6 شهور من الاستفتاء .. وبعد كده يمدوه لشهر 5 السنة الجاية ..
الدستور قال لك حتحطه لجنة منتخبة يختارها مجلس الشعب المنتخب .. دلوقتي عايزين يحطوا مبادئ فوق دستورية ..
قال لك محاكمة عادلة لقتلة الشهداء .. وضابط قاتل ست وابنها في بلكونة بيتهم واخد 5 سنين سجن ..
خالد سعيد والسيد بلال .. اللي قتلهم معروفين بالاسم والعنوان .. ولحد دلوقتي سايبينهم في الشارع وما تعرفش بينيلوا إيه ..
القيادات الجامعية اللي كانت ماما سوزان بتعينهم بالاسم واللي كان لازم ياخدوا ختم أمن الدولة .. مش عارفين نغيرهم حتى
أعضاء الحزب الوطني اللي قاعدين بيلعبوا من ساعة التنحي وكل شوية يعملوا أحزاب جديدة .. ما شفناش قرار لمنعهم من ممارسة السياسة
أمن الدولة اللي عذب وسحل وقتل واضطهد .. راجع تاني باسم "الأمن الوطني" وبيعمل نفس الحاجات اللي كان أمن الدولة بيعملها .. نفس المخبرين اللي كانوا شغالين .. لسه بنشوفهم .. نفس الضباط اللي كانوا بيبهدلوا خلق الله .. لسه موجودين ..
والناس اللي اتعذبت واتبهدلت مش عارفة تاخد حقوقها ..

فين المجلس العسكري اللي قالنا: نحن مع الثورة ومع الشعب المصري العظيم ؟!
فين اللي قال لنا: نحن لا نطمع في السلطة ونعد بانتقال السلطة للمدنيين في أسرع وقت ؟!
وفين اللي قال إن احنا حنحمي الثورة ونطهر البلد ؟!!?

Wall Photos

khaledbelal · #2 09-26-2011, 07:25 PM

صدقت والله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
http://www.youtube.com/watch?v=UaimycKJ9_Q سلفي \| لقاء خاص مع د حسام أبو البخارى...	S.N.N	اخبار شبكة سلفي الاخبارية \| S.N.N	0	09-24-2011 05:58 AM
سلفي \| من فلسطين \| شرطة الاحتلال الحدودية اعتقلت ثلاثة فلسطينيين عزل كانوا يلقو...	S.N.N	اخبار شبكة سلفي الاخبارية \| S.N.N	0	09-23-2011 02:30 PM
سلفي \| د.حسام أبو البخاري مع د. عمرو حمزاوي في كلام مصري على cbc والحوار حول ال...	S.N.N	اخبار شبكة سلفي الاخبارية \| S.N.N	0	09-14-2011 10:25 AM
سلفي \| زمان العزة \| يـــــــــــــــــوم كـــــــــــــــــــــان لنـــــــــا د...	S.N.N	اخبار شبكة سلفي الاخبارية \| S.N.N	0	09-12-2011 02:38 PM
سلفي \| في جلسة محاكمة سامح فهمي ..شاهد الإثبات الأول يؤكد أن المتهمين كانوا علي...	S.N.N	اخبار شبكة سلفي الاخبارية \| S.N.N	0	09-11-2011 12:01 PM