استخدم ( idm + مواقع فحص) فى اكتشاف الصفحات الملغومة+ السيرفرات| كالعاده حصري جدا جدا

[efham computer]

اليوم ودرس في قمت قمت الروعة صراحه الطريقة
شفتها في منتدى اخر وليست من اكتشافي ولكنها لم تكن مشروحه بالشكل
الذي يليق بالفكره او يمكن صاحب الموضوع كان ناقلها فالعظم الفكره حبيت اشرحها بطريقة
افهم كمبيوتر التي اعتدمت عليها راجين من الله ان تنال رضاكم جميعا ...

تعريف بالفكرة

الفكرة هي استخدام عدة طرق في محاولة في الكشف عن
الصفحات الملغمة والتي تقم بتثبيت برمجيات تجسسيه على جهازك بمجرد زيارتها
ودون ان تشعر لانها تقم بتثبيت هذه البرمجيات الضاره تثبيت صامت
لن تشعر به وخلينا نتعرف سوياعلى طرق المنع عن طريق افكار رائعة جدا جدا من خلال هذا الموضوع..
___________________________________

يعني ايه صفحة ملغومة

هي صفحة انترنت عادية جدا وتكون على حسب
من صمم الصفحة اذا كان محترف بالتصميم او كل همه يعمل صفحة
يضع من خلالها الباتش المخترق ويدوع اليها الناس مثلا انا عملت صفحة بسيطة كدا
او ما تدخول ليها هتحملك ملف exe لا تخف انا واضع دخل الملف صورة بسيطة بس علشان اوضحلك كيف يتم تنزيل الملف
و كيف بيدعوك المخترق وطبيعي الاخوة المبتدئين كثيرا ما يقعو في هذه الشباك لعن الله اصحابها يلا خلينا نفوت نجرب سناريو الاختراق ده....
----------------------------------------------
بداية القول تدخل على منتدى تلقى موضوع
الااااااااان حممممممممممل لعبة علاء الدين ثلاثية الابعاد ومش عارف ايه
يلا يا جدع الحق قبل الحذف . ومتعرفش اصلا ليه بيقول حذف يعني واحد منزل لعبة ولا برنامج خايف ليه تتحزف
غير ان الي على راسه باطحه بيحسس عليها الان الاخ يدخل على الموضوع وبسرعه يضغط على لنك التحميل
ترى يا عمي خايف العبة تروح من ايدهنفوت سوا يلا مع اخونا نشوف هيحصل ايه..

صورة الصفحة

اضغط هنا لزيارة الصفحة
والتجربة عملي والتعرف عليها عن قرب

وترى الراجل عامل عليه موضحلك ازاي تحمل
باتش الاختراق يووووه قصدي العبة
وطبيعي بعد مرور 3ثواني بيتحمل الملف ترى الرجال ماهو بكذاب يا اخواني

وبعد التحميل المريح وشايفين لعبة 3d حجمها 238 كليلو فقط تقنية جديدة

وهذا شكل الملف الراجل مظبطه على الاخر
تروح انت تجري بقى تشغل العبة وبعد ما تشغل اي ده
العبة مشتغلتش يا جماعه ييه بعد المسلسل ده كله يلا تلقيها بايظه ولا حاجه
وانت من وقت ما شغلتها جهازك عامل زي محطة مصر المخترق رايح جاي فيه
وانت ولا على بالك ان في حاجه ومتابع حياتك بس على العموم شغل الملف بتاعي عادي انا حطيت في صوره
وعملتها تثبيت وفتح صامت علشان ناخد مثال عليها يلا افتح الملف..
وبعد فتح الملف تظهرلك الصورة التالية:

مممممممممم طيب يلا نشوف كود التثبيت

كود:
Setup=haker.jpg
TempMode
Silent=1
عندنا الان 3 قيم انا ما خبير بالبرمجه بس بحاول اشرحهم
-----------------------------------------------------
الكود الاول: Setup=haker.jpg

وهو بمعنى عند فتح الملف الي هو (play.exe) افتح من داخله ملف (haker.jpg)
-----------------------------------------------------
الكود الثاني: TempMode

وهو استخدام المجلد temp في فك الملفات قبل فتح اي ملف او نقل اي ملف
-----------------------------------------------------
الكود الثالث : Silent=1

وهو كود التثبيت الصامت وطبعا بيختلف لان كل برنامج وله سوتش خاص بيه
بس يعني الغرض من التوضيح ان هذا الكود بيفك الملفات ويسطب ويفتح الصوره بدون ما ترى شيئ
___________________________________

اختلفات طرق الاصابة

طيب يا جماعة الخير دلوقتي احنا طبقنا مثال
بسيط جدا جدا وطبعا مفيش اي هكرز عبيط هيخليك تشوف ولا تحس بحاجه
+ ان المثال الي طبقنا عليه ملف ذات امتداد exe فما بالك بملف ذات امتداد مخالف bat/vbs/dos
وهي امتدادات خطيره جدا جدا ووقت تشغيلا يا بتخرب ملفات يا بتفرمت الهارد اوقات اخرى.
طيب انا هعمل ايه يعني يبقى دوشتنا يا عم عمرو يعني انت قصدك محملش حاجه بقى ولا اقعد افحص كل ملف
لا حبيبي انا ما قصدي كدا بس قصدي انك تتحرى الدقة و تحمل من مكان موثوق بيه وتبعد عن البرامج الغير هامه والاضافيه
لانها اذا ماكانت برامج هكرز بتكون برامج مخربه او تسبب عطل في نظام التشغيل

العلاج المقترح والمبتكر

طيب دلوقتي قدمنا مشكله و عاوزين لها حل يعني السناريو الي عملنها
كيف بكتشفه بدون ما اقع في الفك بص حبيبي انا جبتلك كذا حل
مقسم بين ( مواقع - برامج ) يلا نتوكل على الله ونشوف الحلول .

مواقع فحص الروابط / الملفات الملغومة

هي مواقع تقدر من خلالها انك تفحص اي رابط او ملف
يعني حد بعتلك رابط على المسنجر او لقيت رابط على موقع ما
قم بفحصه اذا شككت بالموضوع افحصه قبل ان تدخل خوفا من ان يكون موقع ملغم
عندنا المواقع تنقسم قسمين مهمين جدا مواقع ( فحص روابط - فحص ملفات )
---------------------------------------------------------

مواقع فحص الروابط: هي موقع تفحص عنوان معين على الانترنت قبل الدخول اليه
مثل انا هفحص موقع جوجل www.google.com

مواقع فحص الملفات: هي مواقع تفحص ملفات مرفوعه
على الانترنت قبل تنزيلها على الجهاز مثلا رابط تشعبي وليكم www.xxx./files/games.exe يعني مثلا انا شاكك بالملف ده ملف
وليس موقع بروح انزله وارفعه على احدى مواقع فحص الملفات قبل ان اشغله على جهازي واشوف تقرير الموقع وش يقولوبعد ان اطمان اشغل الملف..

_________________________________

وهذه مجموعة من المواقع المصنفة جمعتها ليكم
وتنقسم للقسمين المشار اليهم بالاعلى
-------------------------
مواقع فحص الروابط

50 موقع منوعين

ادخل من هنا
------------------
موقع norton

ادخل من هنا
------------------
موقع link scanner

ادخل من هنا
_____________________________________

مواقع فحص الملفات

موقع Virus total

ادخل من هنا
------------------

موقع virscan

ادخل من هنا

البرامج الواقية

هي ليست ببرامج حماية من الفيروسات
لكن من خلال هذه الفقرة سوف نعتمد على برنامجين وهما
Internet Download Maneger + web page detector
------------------------------------------------------------
web page detector
برنامج جميل جدا يمكنك من خلاله فحص المواقع والصفحات
وبالتالي تحديد اذا كانت ملغومة او لا تجد شرح وتحميل البرنامج وهما مجاني

للشرح / التحميل
اضغط هنا

Internet Download Maneger
مممم اكيد الكل بيدور بباله دلوقتي
وعاوز يقولي يا عم عمرو الظاهر الدرس طويل وانت بدات تخرف شكلك
مال Internet Download Maneger بالفيروسات و المواقع الملغمة اقولك يا حبيبي دا ماله وماله وماله ونص كمان وهو اصلا اساس الدرس
والفكره بتعتو جدا عبقرية وهي بختصار شديد تعتمد على موضوع التحميل التلقائي بس علشان اشوقكم للدرس , ولاهمية هذا الجزئ
راح تتابعو معاي بشرح الفيديو الي انا عملته للفقرة دي خصيصا..
________________________________

الجزئ الاول من شرح الفيديو

للاخوة الملتزمين. تم وضع الفيديو
على مكان مناسب للتتمكنو من المشاهده من هنــا
--------------------------------------
الجزئ الثاني من شرح الفيديو

للاخوة الملتزمين. تم وضع الفيديو
على مكان مناسب للتتمكنو من المشاهده من هنــا
-------------------------------------------------
يااااريت : ياريت يا جماعه الي عندو اضافة - موقع - برنامج
يضيفه في رد علشان الكل يستفاد ويكون ليك الاجر بامر الله

الدعاء لعل الله يستجيب
اضغط على الصورة للتكبير

الى القاء مع ابداع جديد من efham computer
لا تنسونا من الدعاء وكل من شارك في هذا العمل الجبار
السلام عليكم ورحمة الله وبركاته

Copyright © 2009-2010 efham computer. All rights reserved

[microtop]

ما شاء الله موضوع رائع جدا
جارى المشاهده