?#سلفي | #مصر | خالد الشافعى - على صفحتة الشخصية #SALAFY #K
ابوس ايد اي شخص بيعلق على صفحتي من فضلك ما تهاجمش الاخوان ولا السلفيين ولا تلوم ده ولا ده
احنا مش في وقت اللوم ولا العتاب
احنا في وقت السمو فوق الخلافات عشان نحاول ننقذ الحلم
عرفنا يا سيدي ان الاخوان شقوا الصف والسلفيين اتحالفوا مع ابو الفتوح عشان مصلحتهم الشخصية وان حضرتك حذرتهم كتير وهم لم يستجيبوا لتحذيراتك
وان لو الحلم راح هيكونوا الاتنين السبب
عرفنا ومتشكرين لسعادتك وممنونين على الإضافة الرائعة وان حضرتك جبت التايهة
بس مش وقته
نأجل الخلافات والاتهامات واللوم والعتاب شوية
التحدي الحقيقي اللي بيواجهنا دلوقت ان احنا نحلل النتايج ونحط استراتيجية نستقطب بيها الناس اللي اعطت صوتها لمرشح مش هيدخل الاعادة?