#سلفى | #مصر | #متابعات | #تويتر #salafy #t الكاتب بلال فضل يشن هجوما كبيرا على... - منتدى رياض الجنة - Riad Al-Ganah

S.N.N · #1 05-17-2012, 02:13 AM

?#سلفى | #مصر | #متابعات | #تويتر #SALAFY #T
الكاتب بلال فضل يشن هجوما كبيرا على المرشح حمدين صباحى عبر حسابه الرسمى على تويتر واليكم بعض ما نشره من تويتات يهاجم فيها صباحى:

هو لما أبو الفتوح يقول هاحاسب المشير والمجلس ولو طلع براءة هاستعين بيه يبقى عار ولما حمدين يقول باحترم شفيق وأقدره يبقى عظيم وثوري
أي حد بيتابعني يعرف إني دايما باشير إلى أخطاء أبو الفتوح وأنتقده إحنا مش عايزين زعيم نسقف له عايزين رئيس نحاسبه وننتقده
وبعدين لما تطلبوا من أبو الفتوح ينتقد السلفيين اللي قرروا تأييده مابتطلبوش ليه من حمدين ينتقد مصطفى بكري اللي أيده ولابقى ثوري عظيم دلوقتي
أتحدى الأستاذ حمدين يوري الناس كشوف توزيع جرنال الكرامة اللي كان بيطلعه في أزهى عصوره.ماعرفتش تطلع جرنال ناجح هتنجح بلد إزاي.خلص الكلام
اشمعنى أبو الفتوح اللي مش هيتخلص من خلفيته الإخوانية بينما حمدين هيتخلص تماما من خلفيته اللي كلها علاقات مع أنظمة صدام والقذافي والأسد كمان
بتتهموا أبو الفتوح بالطبطبة على المجلس العسكري طب أنا أتحدى حمدين يقول الكلام اللي قاله خالد علي مثلا عن المجلس.نطلع الفيديوهات ولا إيه
وبعدين بتعايروا أبو الفتوح بإن مرجعيته حسن البنا على أساس إن اللي مرجعيته جمال عبد الناصر يبقى عظمة.أمال حكم العسكر ده مين اللي بدعه أساسا
الإخوة اللي بيزايدوا على كلامي عن الكرامة الجرنان اللي باحترمه نسيتو لما حمدين ساب عبد الحليم قنديل يمشي بضغوط من الرياسة ولا تحبوا نفكركو
هو لو كان حمدين ثوري جذري مبدأي ساب ليه عبد الحليم قنديل يمشي بضغط من الرئاسة ويقعد في البيت.مش ده حصل ولا أنا باعيد كتابة التاريخ قولوا لنا
لو حد جاب لي مقال لحمدين بيهاجم فيه معمر القذافي أو صدام حسين أعده بإعتذار رسمي في نفس المكان لحمدين.ولا هي الثورة حلوة على مبارك بس
خلاص بقى مش هاقعد أتكلم في موضوع حمدين طول الليل.قلته وخسرت صحابي وخلاص.بكره والله لو حابين هانزلكو شوية ريتويتات حلوة ولا كفاية كده
وبعدين هو حزب الكرامة كان هيبقى ليه أعضاء في البرلمان أصلا لولا تحالف مع الإخوان.بقوا الإخوان كخة دلوقتي.مانتكلم كلام معقول ولا إيه؟
بتموتني من الضحك حكاية إن حمدين أسهمه عليت.كل واحد مؤيدينه زي ماهما وتعالوا ننزل الشارع.خليكو صرحاء
لما كنت أنا وغيري بنروح النيابة بتهمة الإساءة للقذافي كان جرنان حمدين بياخد فلوس من الإعلانات دي.ده إسمه إيه.ثورية
لازلت عند رأيي هاتوا لي كلام لحمدين إتقال ضد القذافي وصدام في عزهم أيام ماكانوا بيدفعوا إعلانات مش بعد مانظامهم اتضرب وشعبهم ثار.صباح الفل
وعموما زي مانت بتعتبر رأيك في أبو الفتوح أو العوا حرية رأي ومش تشويه للثورة أنا باعتبر رأيي في حمدين حرية رأي لأن الثورة ليست ملكا لأحد أبدا
كلامي موجه للي لسه ماحسمش إختياره خش على النت وشوف بذاءات أنصار حمدين ضد واحد قال رأيه فيه هيعملوا إيه فيك لو عارضته بعد مايبقى جمال عبد الناصر الجديد
هات ردود المتعصبين لأي سياسي وحطها جنب بعض هتلاقيها نفس الأفكار مع أسماء مختلفة إنت مين عشان وكنت فين لما وإزاي تجرؤ تقول كده.عقليات العبيد
مش كل واحد وعجبه صوته وهو بيخطب ولقى قدامه كام ألف يبقى زعيم .بكره الإنتخابات تفوق ناس كتير من أوهامها وللأسف منهم ثوريين عايشين الوهم..?

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
#سلفي\| #مصر \| #تويتر \| #تصربحات \| #salafy #s الكاتب محمد إلهامي - على تويتر : يه...	S.N.N	اخبار شبكة سلفي الاخبارية \| S.N.N	0	05-15-2012 11:27 PM
#سلفى \| #مصر \| #متابعات \| #تويتر #salafy #t الكاتب بلال فضل يشن هجوما كبيرا على...	S.N.N	اخبار شبكة سلفي الاخبارية \| S.N.N	0	05-15-2012 02:01 AM
#سلفى\| #مصر _ #تويتر\| بلال فضل منتقدا حمدين صباحي#salafy #lاشمعنى ابوالفتوح ال...	S.N.N	اخبار شبكة سلفي الاخبارية \| S.N.N	0	05-13-2012 12:22 AM
#سلفي\| #عاجل\| #مصر\| #تصريحات #المناظرة\| #salafy #y الكاتب بلال فضل علي التويت...	S.N.N	اخبار شبكة سلفي الاخبارية \| S.N.N	0	05-11-2012 12:23 AM
سلفى \| متابعات \| تويتر \| بلال فضل يرد على “أبو حامد” بعد تصريحاته عن تسليح الإخو...	S.N.N	اخبار شبكة سلفي الاخبارية \| S.N.N	0	02-29-2012 08:52 PM